( شـــــوفـــوا شاعـــــرنا )
مهداه للشاعر ( حمودة المطيرى )
حاسب عندك ..أوعى تقرَّبْ
أبقى مكانك ... ابعدْ اهْربْ
أصْلُ شاعرنا... ده كله شطاره
قيمه وسيما ... وكل جساره
ساكن وحده فى ألف عماره
ينفخ نفخه ......يشفط فرخه
بصابعه يوقعْ ميتْ طيَّاره
ولما بيزْأرْ جوه عرينهْ
صوته يغرِّقْ ألف سفينه
ويوم ما تفكر تيجى قصاده
عيشتك تبقى عيشه حزينه
أصلُ شاعرنا همام وجسور
حارب ياما أسود ونمور
فى أول ضربه ..موْوَتْ ميه
وخمسين لبوه وتسعين تور
شوفوا شاعرنا ده واد كييف
يقْطم قطْمه بألف رغيف
حتى فى شرب الشاى حريف
يسحب شفطه .... يسمِّعْ مالطه
صوتها يودى لحدْ جُنيف
لو بيفكر يوم يتجوز
تلقى بنات يا لطيف ... يا لطيف
أصلو شاعرنا كمان سفاح
عمره ما داق أكْل التفاح
ويوم ما حياكل حاجة بسيطة
هيفطر بس ... بميت تمساح
شوفوا شاعرنا ... حمودة سعيد
قلبه حديد ......ومخه عنيد
وعزمه شديد ... ووعده أكيد
لو بيفكر يوم يتباهى
ضاعت جنبه نبيله عبيد
شعر / أحمــــــد عطـــــا غــــــــــيث
شـــــــــربين – المنـــــــصورة
ليست هناك تعليقات:
إرسال تعليق