((وانا من بعيد،،،؟))
...................
الفجر شقشق
والطيور
زارت هواك
سابت عيوني
طاله م الشباك
جريت علي وهم الحيطان
واتشعبطت
كتبت أمل
بس المحاره
اتشققت
خافت ترفرف م الوجل
سقطت علي حجري
شقايق م العجين
شكلتها بأيدي
زمن
جار الزمن
ويا المحن
جوه الحروف
والدنيا
دواره تشد ف شعرها
تشحتها من ضحكة سنين
طب قلتلك
قلبي انفطر
من زفرتي
نزل المطر
يبكي على
وجع السنين
ردي لي مره
فرحتي
رجعت لعيني دمعتي
وانا لسه م الشباك
بتنده طلتي
ليست هناك تعليقات:
إرسال تعليق