أنا اتغيرت
................
ما عدتش بشتكي
هجرك
ومن عقلي خلاص
قررت
حشيلك من حنين
قلبي
وحقلع شتلك اللي
شتلت
وحمنع عنك المايه
وححرت في ترابك
حرت
ما دمتي بتعملي
عميه وأنا اللي
ياما منك
شفت
ما دمتي بتنكري
وجعي
و بتقولي اني عمري
ماكنت
وأنا اللي وقفت
عل بابك
وأنا اللي بنيت
محرابك
وأنا اللي بقلبي
حبك شلت
و بكتافي حملت سلاح
في عز التلج
وقمت حرست
وأنا اللي ياما
ليكي سهرت
بليل العاشقين حبيت
ويا ما غرت
انا المكبوت من قهري
انا المغلوب على أمري
انا اللي طرت
واحلام الأمل جواي
وأقول بكره أكيد
أهو جاي
وبحلم يوم تضميني
أنا البردان تدفيني
تعبت سنين من الغربه
ويا ما سافرت
ودلوقتي بقيت متهوم
وشيلتيني كوم
هموم
وبتقولي أني
ياماظلمت
انا الباغي........؟
انا الظالم........؟
أنا اللي قالوا عني جبان
انا اللي خنت
أنا اللي ف عز
فرح الناس
بكون زعلان
وانا اللي ف عز
حزن الناس
ف قلبي حبك الدافي
أكيد أناشلت
حزين ف عز
فرح الخلق
وحزني بالحشا
وسكت
انا اللي العقل
مني شت
تعبتيني سنين وأيام
وأيامي عذاب وألااام
ما شفتش مره منك
سنت
وتدي الكدابين
ودنك
وتدي النصابين
عينك
وان اللي ف
عز شبعك
جعت
حقولك كلمه
م الآخر
أنا نفسي خلاص زهقت
وبعلن ع الملا إني
.......
أنا أتغيرت
ليست هناك تعليقات:
إرسال تعليق