حب دوت كوم
************
فى التواصل اللى
فى اصله تفاسخ
تقعد تجمع خواطرك
ويا شوية امنيات
واحتياج لضحكه
مرشوشه باكذوبات
وتسسميها حبيبتى
الى قاعده بعيده هناك
وكأنك صياد وشاطر
واصطاد بنت الذوات
كلها خيال وشارد
بين الموهومين بالشباب
واشتياق من حنان لمعذبات
والقضيه خلل فى بيت
بارد من تواصل
بالموده والحنان
و مليان تماثيل
قديمه رمز للعادات
اللى ماتت فى صراع الزمن
وبقت صوره للنسيان
والاهمال ومنع الحنان
والتوهان فى الخيال
*الاب فى البيت
سى السيد
وعلى الشات
عيل وبيعيد
ويرسم وش على وشه
يرجعه بالغش
لزمان الصبا
ويسرق صورة ابنه
ويلونها بشويه ورد
وكام دبدوب
وضحكه متلونه بخفة دم
وهناك ورا الشاشه بنت
محتاجه حنان واهتمام
وتقع بالغش فى التوهان
او ست بتستظرف تعليقه
وبتعانى من الاهمال
وبرود التلج فى الاحساس
وبترد بس بخوف
وواحده واحده
بيتعرف المجذوب
على الخايفه
ويتسلوا بكلام عادى
لحد ما القلوب بتدوب
وتشيل حدود الخوف
ويبقى كلام محظور
وطالب فى يوم يتوب
==============
بقلم ///محمد العليمى///
ليست هناك تعليقات:
إرسال تعليق