كلمتنى
النهارده كلمتنى
جمعتنى ولملمتنى
ومن نفسى خدتنى
لما قالت انهاحبيتنى
جات على صدرى ومالت
بصت فى عيونى وقالت
انها خلاص حبتنى
حضنت بعيونى عنيها
كل كلامى قلته ليها
يعنى مثلا قلت انى
قلبى فرحان يغنى
انى حته منها وهى منى
سآلت عن كحل عنيها
لون الحنه اللى فى ايديها
قلت كل احساسى ليها
النعومه اللى فى شعرها
لون الورد على خدها
يعنى مثلا طعم الشفايف
يعنى ايه مربوك وخايف
قلنا لبعض احلى كلام
حكينا عن الهوى والايام
وحلفنا لبعض بعادنا حرام
وانى عيونا فى ليل البعد
ولا بتعرف تغفى ولا تنام
الشاعر /عزالدين جبريل
ليست هناك تعليقات:
إرسال تعليق