**يوم ميلاده. بقلم / صبري علي

**يوم ميلاده.

يوم ميلاد المصطفى..

يوم الأخوّة,والتسامح,والوفا...

في يوم ميلاده ' متغتابش..

في يوم ميلاده' متكدبش.

في يوم ميلاده..

صلّى عليه.

في يوم ميلاده ..

- على الأقلّ -إقرا ف سيرته..

راجع جهاده ,ومسيرته..

فى يوم ميلاده تاخد وردة..

وتروح تسلّم على جارك..

وتفرّحه بمولد سيدك..

وتقول له:"إيه بقى أخبارك".?

يقول لك: "اتفضّل, شرّف"..

تقول:"يشرّف مقدارك".

يوم ميلاد المصطفى..

يوم للتسامح, والأمل.

مش نقوم على صوت قنابل..

واللي انجرح, واللي انقتل.!

في يوم ميلاد المصطفى..

يكرم الإنسان صحيح..

علشان نبينا كان " محمد "..

واللي بشّر بيه " مسيح ".

11 ديسمبر 2016