يا وطنى إنت الحب ألأول................رشاد الدهشورى
وإنت الحب الأخر
بس إنت جايبها معايا ليه من الأخر
أرزع وحيتانك تحصد كل غيطانى
وفى عز البردورجليا بتتشقق
وانا كابش فى الفاس اسد شقوق الأرض
ولما أقول أنا عاوز حقى
يقولوا أنانى
أه يانى
يا وطنى والله بحبك مووووت
أنا شايفك أحلى شفايف
أنا شايفك أجمل من من ميت بنت بنوت
أنا شايفك دنيا بتنبض حب
مش بس حديد وشجر وبيوت
ياوطنى وبعدين وياك
بتحمر عينك ليه وياى
دنا بطلت اكل لحمه عشانك
بطلت اتكلم بطلت السكر والشاى
ومراتى طفشت من كتر الهم
طب قلى اعملك ايه
اسيب الفاس واعملك بيه
طب ليه ؟؟
والله برغم ده كله بحبك
ليست هناك تعليقات:
إرسال تعليق