السبت، 18 نوفمبر 2017

💙 (( حُــبــــكْ جـنـــون ))💙 الشاعر بلال القيسي عمان - الأردن

  💙 (( حُــبــــكْ جـنـــون ))💙

بعثت ( كمر شمر ) وهي شاعرة عراقية تقول :

💓💓💓💓💓💓💓💓💓💓💓💓💓💓💓💓💓💓💓

مو كلمة أحــــــــبك تخلص وياك ...
ولا حجي المســــــــامر ينتهي أبفترة

أنت أكــبر محبتك والله من هاي ...(💕)
يالحبك عجـــــــــيب وصار عالفطرة

من أول ما عرفتك كمت أفكر بيك ..
خذت روحي ويعقــلي أو تيهت فكرة

راح أشلون أوصفك هسه محتار ... 
او صعب حــته الجمال البيك منقدره

أنجنيت أبغرامك حيـــــــل فدّْ نوب ..
أشماسوّه المسّـــــودن ... لازم أتعذره

أغار عليك حته أمن الهوى المار ...
وأذا مطـرت عليك ... أكطـعها للمطرة

تدري أشـــكد احبك جا خفت حيل ...
مثل نخل السمـاوه ... الطـرته السمرة

وأذا حبك ذنب أتحــــــــملّ أذنوب ...
لان ربك يكول ...الذنب مـــــــو كفرة

💟💟💟💟💟💟💟💟💟💟💟💟💟💟💟💟💟💟

وهذا كان ردي على حروفها وبلهجة عراقية :

👇👇👇👇👇👇👇👇👇👇👇👇👇👇👇👇👇👇

اعوفج شلون وانفاسي من هــواج
وحُبج يتوطن بداخلي وبكل ذرة

انتي الروح بهاي الحياة - وأنتي غلاي
عمري يطول لو تنطيني من عيونج ولو نظرة

لا تشغلين البال..امرج تم ..وبالوكت أجيج
الفراق دوم يقتل- وكل مشتاق إِلَّه عِذره

الوصف يا غلاي ... ما يحتاج لخيال
جمالج ما يوصفه الشُعار ... ولا السَحَرَة

جنونج بالهوى وبغرامي ما بي ذنـوب
حُبـج جنون..يملئ الكون وينتشر عِطره

لا تغارين على قلبن ....مكتوي بالنـار
غاري مثل ما تريدين ... الغيرة بالبشر فِطرة

أريد حب مثل حب الرافدين والنجف
حبهم ما يغيره لا اعداء ولا حتى الي يكره

حُبك لو ذنب .. عنه ما اتـــــوب
ربي علام الغيـوب .. اشكد اني بحبك اغضبه

فدوة للعيون اللي بنِظرها كُلّي أذوب
عشقي للعرأق لأجلك ..ولعيونك الحــرة

حرقتي قلبي بِحُبج وبحرفـج المكتوب
عسى القلم ينصفج .. ويتلألئ بيجِ حِبـره

.
الشاعر بلال القيسي
عمان - الأردن

ليست هناك تعليقات:

إرسال تعليق