أحب اذكِّــرْك
ــــــــــــــــــــ
فنجـال شوقي يفوح بطيِّب....انفاســك
ياكيفي اللي ليا اشتقتـك.... تقهويتــــه
.
أحب اذكِّرْك في صحوتْك ....ونعاســك
مادام طاوعْك قلبي يـوم.... ناديــتـــــه
.
تملا يراع الغرام...... بصادق احساسك
واكتب على مملكــةْ قلبك:(هنا بيتــه)
.
اهديت لك عمري الغالي.. .فدا راسك
وانا لغيرك يمين الله ..........ما اهديته
.
واحذر من الهجر لا يطريه ...هوجاسك
والّا يجي منك.....علمٍ .......ما تهقويته
.
وان كان ساويتني بالبعض ...من ناسك
قلبي عن الشرك انا صنته .... وصديته
.
واذا نويت الفراق ... ودقت. اجراسـٰـك
صبّرت قلبي... على بعدك..... . وعزّيته
.
احرص على قلب حَبك واعرف اقياسك
في عمق حبٍّ تقول انك ........تمنيــته
.
وابشر بقلبٍ صدوقٍ يرفض اتعـاســـك
وتنسى معــه حـُـزْنك اللي قبل. عانيته
.
ويكون لك فرحتك في العمر ..وايناسك
ويحيي مشاعرك ،..واحاسيسك الميـْته
.
انت الملك فيه .......والاضلاع حراسك
والامر والنهي لك .......دامك تولّيــتــه
.
#مستورمحمدالحارثي
ليست هناك تعليقات:
إرسال تعليق