ماشـــفتــنــــي
ماشـــفتــنــــي مـن بعــد فــرقـــاك تعـــبان
ارجع وتلقى الحزن مطبوع فيني
من عقب فرقاك اقضي الليل سهران
وناظـــر الطرقات علّك تجــيني
تقبل عليا هموم أشكال والوان
بــس اتحمّــل علّ قلبك يلــينـــي
اشتاق لك شوق الروابي لنيسان
بس الحكي ماهو يوصّف حنيني
حسيت بالغربه وانا وسط الأوطان
دونك ترى مالــي وطـن يحتويني
انت سلا قلبي لـيا صرت ضجران
وانت السعادة الي تنوّر سنيني
عساك تبقي بخير في كل الأحيان
مايضيق بك خاطر ولا تحزنيني
غنيت لك احلى القصايد والالحان
وماضــنها توفيك يا نــور عيني
ليست هناك تعليقات:
إرسال تعليق